Англи хэлний ялгац гишүүнийг хэрэглэх 21 чухал дүрэм (Эргэлзэх зүйлгүй боллоо!)

Англи хэлний ихэнх өгүүлбэрт “a, an, the” зэрэг үгс байгааг анзаарч байсан уу? Эдгээр үгс өгүүлбэрт яагаад ийм нийтлэг байдгийг бодож байсан уу? Англи хэлний ялгац гишүүд нь дүрэм зүйн хамгийн чухал бүрэлдэхүүн юм.

A, an, the зэрэг ялгац гишүүд нь Англи хэлний дүрмийн бяцхан хэсэг тул анзаарагдахгүй өнгөрсөн байж болох ч энэхүү хэлийг сурахад маш чухал үүрэгтэй. Ялгац гишүүдийг ашиглах үндсэн дүрмүүдийг сайн ойлгох нь утга учиртай, үр дүнтэй харилцааг бий болгоход амин чухал юм.

Англи хэлний ялгац гишүүд

Англи хэлний ялгац гишүүд нь англи хэлний дүрэм сурахад маш чухал. Ялгац гишүүд нь өгүүлбэрт шинэ үг нэмэх, нэр үг, тэмдэг нэр, дайвар үг зэрэг үгсийн аймгийг тодорхойлогчийн үүрэг гүйцэтгэдэг.

“A, an, the” нь таны англи хэлийг илүү оновчтой, ойлгомжтой болгоно. Анхлан суралцагч нар эдгээр ялгац гишүүдийг таньж чадах хэдий ч өгүүлбэрт зөв ашиглах дүрмийг мэддэггүй тул толгой эргэм байх нь бий.

Англи хэлний ялгац гишүүдийг тухайлах ба эс тухайлах гэж хоёр хуваана.

Тухайлах ялгац гишүүн: the
Эс тухайлах ялгац гишүүн: a, an

Дээрх хоёр төрлийн ялгац гишүүд нь өөрсдийн гэсэн үүрэг, хэрэглээтэй. Өгүүлбэрт тэдгээрийг зөв ашиглах дүрмүүдийг сайтар ажиглаж суралцаарай. Ялгац гишүүдийн дуудлага нь бичгээс илүү ярианы хэлэнд илүү гарч ирдэг.

“The” ялгац гишүүн нь хоёр төрлийн дуудлагатай: /ði:/, /ðə/. Ялгац гишүүн /ðə/ нь гийгүүлэгч авиагаар эхэлж буй үгийн өмнө дуудагддаг бол ялгац гишүүн /ði:/ нь эгшиг авиагаар эхэлж буй үгсийн өмнө дуудагдана. Жишээлбэл, “the” /ði:/ apple, “the” /ðə/ ball гэх мэт.

Эс тухайлах ялгац буюу “a, an” нь эгшиг авиагаар эхэлсэн үгсийн урд ашиглагдана. Ялгац гишүүний ард орох үгийн эхний үсгийг бус авиаг ярьж буйг анзаараарай.

Англи хэлний ялгац гишүүдийг ашиглах дүрэм

Англиар ойлгомжтой, үр бүтээлтэй харилцахын тулд англи хэлний ялгац гишүүдийн дүрмийг сайн мэдэж байх нь чухал. Танд хамгийн хэрэгтэй чухал дүрмүүдийг дор орууллаа.

Эс тухайлах ялгац гишүүн буюу “a, an”-ыг ашиглах дүрэм

“А” ялгац гишүүнийг гийгүүлэгч авиагаар эхэлж буй үгсийн урд бичиж, “an” ялгац гишүүнийг эгшиг авиагаар эхэлж буй үгсийн урд бичдэг. Гийгүүлэгч үсэг боловч эгшиг авиагаар дуудагдаж буй үгсийн урд мөн бичнэ.

a university
an hour
an era
a possibility
an MP3 player

Эс тухайлах ялгац гишүүдийг уншигч, сонсогч нарт өмнө нь мэдэгдэж байгаагүй, анх удаа хэлж буй зүйлnau илэрхийлэхэд ашиглана.

We decided to transfer to a new building after the earthquake.

Эс тухайлах ялгац гишүүдийг ажил, мэргэжлийн өмнө ашиглана.

She is a doctor.
My mother is a dentist.
I want to be a scientist.

Англи хэлний эс тухайлах ялгац гишүүд нь цаг хугацаа, тоо хэмжээг илэрхийлэхэд ашиглагддаг.

A kilo of rice
An hour late
A glass of wine
Twice a day

“А, an” эс тухайлах ялгац гишүүд нь зөвхөн ганц тооны нэр үг, хэлбэрийн өмнө ашиглагдана.

A restaurant
A student
An umbrella

“А, an”-ыг олон тооны нэр үгсийн өмнө ашиглахгүй.

I went on an educational trip with a teachers. ✘

Эс тухайлах ялгац гишүүд нь дараах хэллэгүүдийн араас ашиглагдана. “This/that is, there is, have, got.”

I have got an award for being punctual.
There is a big rock near the seashore.
The witnesses have potential evidence against the culprit.
This is the ultimate guide to travelling.
That is a parrot.

Тухайлах ялгац гишүүн “the”-г ашиглах дүрэм

Өгүүлэгч, сонсогч хоёрын аль алиных нь мэддэг, өмнө нь сонсож байсан зүйлийн тухай ярихад “the” ялгац гишүүнийг ашиглана.

Can you pass the salt, please? Thank you.
Did you finish the report I sent you?

Тухайлах ялгац гишүүн “the”-г олон тооны хэлбэр дээр байгаа улс орны нэрийн өмнө ашиглана.

The United Kingdom
The United States of America
The Netherlands
The Philippines
The Maldives

Тухайлах ялгац гишүүн “the”-г далай, тэнгис, гол, суваг зэрэг усны төрлийн үгсийн өмнө бичнэ.

The Suez Canal
The Pacific Ocean
The Indian Ocean
The Red Sea
The River Thames
The Nile
The Amazon River
The Dead Sea

Тухайлах ялгац гишүүн “the”-г овог, ургийн овог зэргийн дурдахад ашиглана.

I met the Smiths on Thursday.
Have you seen the Watsons recently?

Үйл үг үүсгэх хувиргал болгон “the” ялгацыг ашиглахдаа хөгжмийн зэмсгийн өмнө ашиглана. Спорт, ямар нэгэн тэмцээний өмнө ашиглахгүй.

Martin played the rugby with his friends. ✘
Martin played rugby with his friends. ✔
When did you learn to play piano? ✘
When did you learn to play the piano? ✔

Тухайлах ялгац гишүүн “the” нь ганц ба олон тоо хоёул дээр нь ашиглагдана.

The restaurant – the restaurants
The student – the students
The umbrella – the umbrellas

Тухайлах ялгац гишүүн “the”-г харьцуулсан давуу зэргийн тэмдэг нэрийн өмнө ашиглана.

the tallest student
the biggest fault
the most delicious food
the most ambitious person

“The” ялгац гишүүнийг систем, үйлчилгээний тухай ярихдаа ашиглана.

I heard something on the radio.
The internet is unstable.

Англи хэлний ялгац гишүүнийг ашиглах ерөнхий дүрэм

“А, an” ялгац гишүүдийг тодорхой бус нэр үгийн өмнө ашиглаж, “the” ялгац гишүүнийг тодорхой нэр үгийн өмнө бичнэ.

My father bought a new car. The car is expensive.
I saw a group of students eating chocolates. The group of students are all girls.

Тухайлах ба эс тухайлах ялгац гишүүд нь тэмдэг нэрийн өмнө бичигдэнэ. Ялгац гишүүн + тэмдэг нэр + нэр үг.

A beautiful girl – the beautiful girl
A huge box – the huge box
An hourly rate – the hourly rate
An excess baggage – the excess baggage

Өгүүлэгч болон сонсогч хоёрын өмнө нь ярилцаж байсан зүйлийн (тодорхой) тухай биш л бол тоологдохгүй нэр үгийн өмнө ялгац гишүүнийг ашиглахгүй. Нэр үгийн тоологдох эсэхийг илтгэх тоо заасан үг заавал байх ёстой.

John wants to drink water.
John wants to drink a glass of water.

Англи хэлний ямар ч ялгац гишүүн хичээлийн нэр, спорт, улсын нэр болон аливаа хэлний өмнө орох ёсгүй (тухайн улсын иргэдийг хэлэхээс бусад).

I like mathematics and economics.
Did you play sports when you were in elementary?
I studied linguistics for four years.
Geography was my favorite subject.
Boxing is famous in my country.
He likes playing badminton in his free time.
Do you speak Spanish?
Chinese is not an easy language to learn.

“The”-г огноо болон “weekends” гэх үгийн өмнө бичнэ.

On the 1^st of November
On the weekends

Англи хэлний ялгац гишүүд нь уншигч, сонсогчид шинэ зүйлийг танилцуулахад ашиглагддаг.

We transferred to a new building after the typhoon.
The new building is situated in the city center.

Тухайлах болон эс тухайлах ялгац гишүүд хоёул өгүүлбэрт аливаа зүйлийг танилцуулахад орж буйг анзаараарай.

“А, an, the” ялгац гишүүдийн хэрэглээний үндсэн ялгаа нь эс тухайлах ялгац гишүүд нь аливаа зүйл анх удаа яригдаж, өгүүлэгч, сонсогчийн хувьд мэдэхгүй зүйл, тухайн зүйл олон төрөлтэй үед хэрэглэгддэг бол тухайлах ялгац гишүүн “the” нь өмнө нь ярьсан нэр үгийг дахин давтахад ашиглагддаг нь юм.

Тухайлбал, би “My brother bought a new mobile phone last Sunday,” гэсэн өгүүлбэр хэлэхэд уншигч та ямар төрлийн утас авсныг, тухайн утас ямар онцлог, хүчин чадалтай болохыг мэдэх үү? Хариулт нь үгүй. Харин би “The new mobile phone my brother bought was the iPhone 15 pro max” гэвэл та ямар утас вэ гэдгийг нь ойлгож чадна.

Англи хэлний ялгац гишүүдийг ашиглах бусад нарийн дүрэм бий. Англи хэлний харьцангуй жижиг дүрэм тул ихэвчлэх орхигддог ч, бүх дүрэм хэрэглээг нь ойлгох нь англи хэл суралцагч нарт ач тустай байх болно.

Чухал тэмдэглэл:

Англи хэлний ялгац гишүүд нь тухайн өгүүлбэрт тодорхойлогч болж, нэр үг, тэмдэг үгсийг өөрчлөхөд тусалдаг тул тэмдэг нэрийн үгсийн аймагт багтдаг.
Өөрийн бичвэр, харилцан яриандаа аль ялгац гишүүнийг ашиглахаа мэдэхгүй байвал нэр үгийн тоологдох эсэх, тэмдэг нэр бий эсэх зэрэг тус тусынх нь хэрэглээг санаарай.
Ямар ч өгүүлбэр дэх Англи хэлний ялгац гишүүд үргэлж ордог. Энгийн, бүтэн өгүүлбэр, нийлмэл, эсвэл бүтэн нийлмэл өгүүлбэр зэрэг бүх өгүүлбэрт бий.

Бүү андуураарай! Англи хэлний ялгац гишүүдийг өгүүлбэрт зөв ашигласнаар таны англи хэлний ур чадвар бүрэн, зөв дээшлэх болно.